BI HMÄ NU’Ä RÄ NSEKUÄTS’UTHUI
EXPEDIENTE: JDC-073/2021 Y SUS ACUMS.
NuꞋä rä pa nꞋate ma nꞋa, rä zäna goho rä je̱ya yo mꞋo nꞋate ma nꞋaa bi t’ot’ä rä nse̱kuätsꞋu̱tui ha nuꞋä rä nthanthña ndänjai gá hiuxängaste ri Ꞌñehniu̱ na Gisela Cruz Flores, Elvia Martínez Trejo, Agustina México Hernández, Alfonso Pérez Hernández, Catalina Ángeles Salazar, ha manseu̱ ge yä mu̱dimemhai.
Ha nuꞋä yä Hiuxängaste di ñahniu̱ ge na ndänjai Araceli Lugo Oliva, ha bi nsu̱ka hnets'a thuhu gä däk'ei ri ꞋñeꞋä di ntꞋu̱i mfatsꞋiꞋä t’embi hñämfo̱ “Va por Hidalgo”, ge hingi tsꞋo̱tse nuꞋä mahyoni ri Ꞌñe̱hee gä mu̱dimemhai ha nuꞋä yá njuäniꞋä ge ne dä udi ge xä me̱päte gä me mudi memhai hingi tsꞋo̱tse gatho nuꞋä ma hyoni.
Ha na nse̱kuätsꞋu̱tui gá Dängä ngu gá Hñu Nsu̱kä ts'u̱thui bi nuꞋä ha mäa ha nu yä t’unate ma’ä juani ge hää nuꞋä se rä njuaniꞋä bi uni ri ꞋñeꞋä na ntꞋu̱i mfatsꞋiꞋä t’embi hñämfo̱ “Va por Hidalgo” ha dä njuäniꞋä gá me̱päte dánjäi gä me mudi memhai na Araceli Lugo Oliva, mi Ꞌbe̱tꞋäbihmäa.
Hingo ri ꞋñeꞋä, na ndänjäi Araceli Lugo Oliva, bi uni ha nuna Dängä ngu gá Hñu Nsu̱kä ts'u̱thui nu yä he̱Ꞌmi ha ri ꞋñeꞋä dä njuaniꞋä ge haä xä me̱päte gä me mudi memhai, habu ge di hnuu ge haä jabiꞋä nu ri ñeꞋä gá dánjäi gä me mudi memhai ne thäkiꞋä gatho nuꞋä yä tꞋo̱tꞋe hnuu ha nuꞋä hindi hopi dä zo̱xä nꞋa rä nsupate ha nuꞋä rä nsu̱ki umbiꞋä nuꞋä yä jäi ha nuꞋä petsꞋä rä hyoya nguꞋä nuꞋä yä jäi gá mu̱di memhai. Nuna Dängä ngu gá Hñu Nsu̱kä ts'u̱thui bi dädi ge pe̱tsꞋi rä tꞋe̱pi ge dä nuu nguꞋä ri ñehe yä he̱Ꞌmi ha ne haä dri xo̱ge habu̱ di njuani ge hää ja rä nzixä mui gá mu̱dimemhai.
HabꞋu̱ ge ngatsꞋiꞋä, bi hnuꞋä ngu ri ñehe nuꞋä yä he̱Ꞌmi, nuna Dängä ngu gá Hñu Nsu̱kä ts'u̱thui bi me̱tsꞋa uenda ge hää tso̱tse ha nuꞋä di juaniꞋä ge xä me̱päte gä me mudi memhai, ha nuꞋä ge bi tꞋadiꞋä ge dä yopä nthoki nu rä nkohi bi tꞋadi dä yopätheti ha ne dä hmaä ge pe̱tsꞋä rä nsu na Araceli Lugo Oliva nguꞋä gá nsu̱ka hnets'a thuhu gá Hyokä kohitsꞋu̱thui ri ꞋñeꞋä di ntꞋu̱i mfatsꞋiꞋä t’embi hñämfo̱ “Va por Hidalgo” ha na Xe̱nangu̱tꞋi 5 NtsꞋo̱tkani.