TRADUCCION AL HÑAHÑU DEL VALLE DEL MEZQUITAL
RÁ MUT’ÄNT'OHI RÄ GÄXÄ NSEKUAÄ MFÄDI BI GUKI’Ä HA NU’Ä RÄ HMUNTS’I RI ‘ÑEPI DÄ HYANDI MA XOTHO YÄ JÄ’I RÁ N’ATE MA GUTO RÁ ‘RET’A MA ‘RA’Ä RÄ ZÄNA YO M’O N’ATE GEHNI PETSI DÄ THOTSI’Ä RÄ HÑÄKI’Ä RÄ HÑÄHÑU RÁ ‘BATHA RÄ BOT’ÄHI
‘BETSÄHE’MI: TEEH-JDC-284/2020 NE NU’U YÄ HMUNTS’I’U
Nu’u yá t’ot’ä ngaste bi hñuts’i yä jä’i ne nu’u yä hmunts’ä hñähni fädi’u hñämfo ngu partidos políticos ngetho’u yá gohi’ä rä nsukäts’uthui ni Nts’otk’ani, rá ngu’tähai Hñunthe hñämfo t’embi’ä Hidalgo, bi theti’u ne bi t’ot’ä rä kohi ha nuna hmunts’ini rä Ngu gá Hñuts’uthui gá nsukä ndä rá Ngu’tähai Hñunthe
Ngu xa dä hmantho nu’ä ma n’a xa zedibi’ä rä kohi, nu’ä rä Hñuts’uthui bi gohi ge ngu ri ‘ñepi’u yä njuäni’u bri zompi, ge ha nu’ä rä t’ot’ä nsukäts’uthui hmää bi nja ndunthi ma xotho’u yä ts’othogi ge’u bi japi ge hingi ja rä jamfri ha nu’u ngu bi gohi yä ‘befi’u yä nsukäts’uthui, ngetho ge himbi nja’ä n’a rá t’ot’e ma hyegiui’u ga’tho nu’u to bi ntsa nsuki ngetho ge bi t’otä m’et’o’u ‘ra yä t’ot’ä nt’exä’bai ne bri ju’u ngu hingi ri ‘ñehe njabu nu’u yá bojä ma xotho rä jä’i.
Ri ‘ñepi’ä nuna bi thogi, rä Hñuts’uthui bi gohi ge dä thäki ha hindä ja ma juäni’u yá nsuki yä ts’uthui nuni ha rä hyodi Nts’otk’ani, Hñunthe, ha ‘bepi’ä rä Memansu gá Nsukäts’uthui rá Ngu’tähai Hñunthe ge dä ‘yot’ä rá hmat’i ma n’a’ä rä t’ot’ä Nsukäts’uthui habu ge yä jä’i dä xuki’u ngu ri ‘ñehe nu’u yä mpehui’ä rä ts’uthui Nts’otk’ani, Hñunthe