|
|
|
|
‘B ETSÄ’HE’MI: TEEH-JDC- - JDC-103/2020 BI HMÄ NU’Ä RÄ NSEKUÄTS’UTHUI Di thaki na thuxangaste bi ot’a na däk’ei María Estela Rubio Martínez, nuna nge’ä di hma ge di hnu ge hindi za dä t’ot’e ngetho ge di ‘bedi rä nsihni gá thuhu, njabu ngu’ä bi sipi ge xa nuu’ä, ha nubye, ge nge’ä ma ge ra jai’ä ra mengo’ä gá mudi me hai, bi nja n’a rä thanthña ko yä bahmiäbojä pa xä nuu nu’ä xä hokihma , ha nu’ä himbi m’ui ha nuna hmunts’i gá bahmiabojä ge mi hnuú pa xä t’ot’a ngu’ä ma juani ge ja rä t’epi dä ‘yot’ä ts’uthui, bi t’ot’ä ra nts’ohna t’oxgu ko nu’ä ra ‘bede gá nt’oxgu bi hohni ha rá ngaste, pa dä sipabi hanja ma thohni nu’ä rä hmunts’i, bi ma ha nu’ä rä nts’ohnate gá ntoxgu ge mi otho’ä ra paha dä yopähñeti. Ge ri ñehe’ä, njabu tsitsi’ä ge nu na t’ot’e gá yopätheti nu’ä ri ñe’ä otho rä nsihna thuhu, di nthotsi’ä njabu ge hindä za dä t’ot’e. Njabu’ä bi hma ge hindä za dä yopätheti na t’ot’e nu’ä bi huxä na däk’ei Ciria Yamile Salomón Duran. Nuna, ri ñehe’ä, bi hnuu xä hño nu’ä rä thuxa ngaste, ge uni nu’ä himbi ‘yot’e nu’ä mi hñäni’ä ra noya ri ñe’ä ko nu’ä yä t’adi pa dä mefi ne gá nexansu gä m’epate gá ndä ts’uthui gá ñaxu hnini ko nu’ä ra MORENA ha Nts’otkani, Hñunthe. Njabu’ä, ri ñe’ä ge hindä zä dä t’ote ngetho ge bi zogitho himbi juati’ä ha nu’ä rá hmunts’a t’ot’a ñahni ha nja’bu’ä himbi tsota gatho’ä nu ma nthohni ra nkohi. Ha pa dí juadi’ä dä t’ot’ä ma juani nu’ä rä nt’epi dä metsi n’a rä hogä ts’uthui di yopa zixängastate na däke’i Ciria Yamile Salomón Duran ha nuni t’embi hñamfo Comisión Nacional de Honestidad y Justicia pa dä gaxa’ä da maa, ko nu’ä ri ñepäbi rä nt’epi.
|
|