BI HMÄ NU’Ä RÄ NSEKUÄTS’UTHUI
TEEH-PES-049-2020
Nu’ä rä n’ate ma r’ato ma pa rä zäna hñato rä jeya yo m’o n’ate, rä Dängä Nguu Ts’uthui gá Nthetä Nthanthña rä Xena Hai Toluca rá Däts’edi Ts’uthui ma Xotho M’onda, bi ot’a rä nsekuäts’uthui ha nu’ä rä ‘bets’amfixhe’mi di hnuu ngu’ä ST-DJC-56/2020, ma’ä ge ma nuna ngaste jäi ha nuna nthanthña ngaste’ä nu’ä yä nt’ot’e bi metsi nuu yä nts’om’ui ha nu’ä yä ‘befi gá hñahni ri ñepabi’ä hänge bi t’api na M’emansu gá Nsuka Ts’uthui gá Ngu’thai Hñunthe ge dä ot’ä’ä gatho nu’ä yä nt’ani ma hyoni nu’ä ri ñe’ä rá ngaste gá nst’om’ui gá t’ot’äñahni.
Hange ri ñe’ä na M’emansu bi metsi’ä ge dä nuu yä Nt’ot’e gá Ntheti’äse gá Ngut’änthai ha nu’ä ge Aylin Martínez Escamilla Ngaste’ä n’a Federico García Antonio, Marcelo García Antonio, Jaime Moreno Muñoz, Eddy Rodríguez Escamilla ne Verónica suhail Rodríguez Salinas ri ñe’u yä nts’om’ui gá hñahni’u ngetho bi othobi’ä mahyegi yä muhui.
Nuna Dänga Nguu gá Hñu Nsuka Ts’uthui bi nuu ge nuna ngaste jäi himbi munts’ä gatho ma hyoni gá njuanat’ot’e, habu di ge’ä dä njuani yá t’ot’e nu’ä di ngaste, ge’u ri ‘ñe’ä ma hyoni dä uadi ge himbi njuani’ä yä ts’okäte nu’u di ndustethäibi’u.