Náhuatl, Huasteca

 

                   infografia indigena nahuatl huasteca
IASITILI TLEN NAUATILKAYOTL
ST-JRC-15/2019 UAN TLEN MOPIUIYA.


TLANECHIKOLISTLI TLEN TLANAUATILNAUATILI TLEN AXKUALNESI TEEH-RAP-NAH-016/2019 uan tlen monechikojtis.
Ipan senpouali uan chikome tlen majtlaktli uan se mestli tlen makuili tsontli uan kaxtoli uan naui xiuitl, Tribunal Electoral tlen Hidalgo tlalkotomitl kiijto tlanauatili ipan amanechikoli TEEH-RAP-NAH-016/2019 uan tlen mopiuiltok, kani moijkuilo kenijkatsa moixtlalis uan amatlatetsopali tlen kiixtlalijkej tekitemoyaualnechikiyanij: Nueva Alianza tlen Hidalgo, tlen Revolución Democrática, Verde Ecologista tlen Mexko uan  maseualmej ken César Cruz Benítez, Eric Téllez Hernández uan Arturo Copca Becerra, tlen tlajtolmoyajkej, tlen kanij moijto yani tlajtoli:

Ipanpa tekinauatilkayotl tlen kani motejtemo kenijkatsa moixtemos tlen sanmaseualtsitsij ipan tekinauatiltemoli tlen ixnesi ipan TEEH-JDC-143/2019, Tribunal Electoral tlen Hidalgo tlalkotomitl kiixtlali amatl kani monankilia ika ni tlajtlanili tlen mochiuas.
 
1. Iixpa tlen amatlanechikoli TEEH-RAP-PVEM-018/2019, kiijto TLEN MOIXTLACHLI ika tlen kiixtlali tekitemouijkatlanechikoli tlen Verde Ecologista tlen Mexko, panpa ajkia monechikouaj ipan tekikalko tlen tekitekiuajtemolsenkajtli tlen ni Hidalgo tlalkotontli, axkana kiixtlali nelkuali tekiasili uan tlen ika moneki moixtlalis ajkia moitas ken sanmaseualtsi, ika tlen axmotlepanitak tlen moneki moixpantis ipan sanmaseualkayotl.

Ijkino nojkia, ni Tribunal Electoral kinechiko tlen nopa moixtlalia uan tlen ika moixneskayotia ajkia sanmaseualtsi ken moixnextia axkana sanya ipati,  ika iselti, tlen ika moixtlalis ajkia motekinauatiltemoua kipia nopa tokajyotl ken san maseualtsi. Panpa ni kiixtlalia, axkana san ipati ma se moijto sanmaseuali, yeka moneki ma moixpanti ika se amatl tlen ajkia tekiuaj tlen sanmaseualtsitsij kiamatlalis, yeka ni Instituto Estatal Electoral tlen Hidalgo tlanechikoltlali, moneki ma onka ni amatl kani moixnextis se eli sanmaseualtsi, amatl tlen kiixpantsi ajkia kineki motekinauatiltemos itstok ipan se maseualchinamitl uan ijkino moixpantis iteuantil uan tlen kipias ipati ipan tlanauatilkayotl.

Yeka, monauati ma tlanechikoli tlen nochi tlen  Instituto Estatal Electoral tlen Hidalgo, tlen ika, teuantik ika sanmaseualtekikalko tlen ni mexko tlali, ijkino ken tlanechikolkalko tlen ni tlalkotomitl tlen kichikaua san maseualchinantinij (Comisión Estatal para el Desarrollo de los Pueblos Indígenas), kichiua uan kimoyaua se amatlayekantli kani moixtlalis ajkia sanmaseualtekiuajkemej ajkia kikauilis ma se maseuali san ika iselti mo maseualneki uan uelis kiixpantis itlakatil ika se amatl tlen kimaktilis se sanmaseualitekiua.

ST-JRC-15/2019 uan tlen mopiuiltij.
Panpa axkana kikualitakej ni amatlanauatilkayotl ni maseualmej; César Cruz Benítez, Ángel Pérez Hernández, Esperanza Ponce Ponce uan tlanechikoli tlen tekitemolnechikoli tlen Revolución Democrática, kiamatlatsinkajke ne nauatili nojkia, panpa, uan ika ya, ipan tlanauatilkalko tlen tlanechikoltlali tlen Toluca tlen Tribunal Electoral tlen Poder Judicial tlen ni tlalkotontli moijkuilojki ipan tlanechikolamatl  ST-JRC-15/2019 uan tlen mopijpiuili, ipan eyi iteki tlen se mestli yani kiixtlali:

Ipan ni amatlajkuiloli tlen moixtlaltok ipan amatlanechikol TEEH-JDC-143/2019, ni tlanauatilkalko tlen tlalnechikoli tlen Toluca ipan amanauatili tlen machiyotl ST-JDC-176/2019, tlen kiojolini César Cruz Benítez, kikuajkuapki tlen Tribunal Electoral tlen Hidalgo tlalkotomitl kiixtlajtoya, ipan amatlanauatili kani alkia san maseuali tlen ni tlali kiixpanti, yeka ika inauatilka tlen tekikalnauatili tlen motekinauatiltemoyanij tlen ni Hidalgo tlali ma teipa tlen nopa tonali kema tlamis nopa tonal tlen tekitemoli tlen mochiuas ipan totlalkotontli, mopeualti nopa tekitl tlen kani motlajtoltlalanas tlen kenijkatsa mosenkauas tekinauatiltemoli tlen ajkia sanmaseualtsitsij, nojkia ma moita kenijkatsa uelisej teuantisej siuamej uan tlakamej ipan ni tekitemoli, ipan kenijkatsa se maseuali moiseltiitas ken sanmaseualtsi uan tlen kenijkatsa nopa tekiuajkemej kiamatlalisej se eli sanmaseualtsi, ijkino ken sekinok tlajtoli tlen kenijkatsa moita se eli sanmaseuali tlen ni tlalkotomitl, ino tlan inelika ni tlen motejtemoua uelis motekiuis, kema monekis, uan kema ijkino se kinekis, tlen ika moixtlalis amatlanuatili tlen kenijkatsa mochiuas ni tekitl ipan tekinauatiltemoli tlen uala.

Ijkino nojkia, kinauatij nopa tekinauatilkalko tlen ni Hidalgo tekitlalkotontli tlen ika moixtlali mopatlas amatlanauatili IEEH/CG/030/2019, kani moixtlaliya seyok amanauatili tlen kintetsopa amatokajtlalili tlen ajkia inijuantij uelisej motekinauatiltemosej uan axkipiyasej se tenauatiltemolnechikoli ajkia motekinauatiltemosej ipan chinankotlatilanpa kani itstokej ajkia sanmaseualtsitsij uan ajkia kipia tekiuajamatl tlen kinixnextia ken sanmaseualtsitsij.

Nojkia, kinauatij ma kitlajtolkuapa amatlanauatili tlen kanij moixtlalia kenijkatsa motekinauatiltemosej ajkia sanmaseualtsitsij uan momoyauas ika san maseualtsitsij tlen ni Hidalgo tlalkotomitl.
 
1. Tlen moijkuilojtok ipan amatlanechikol TEEH-RAP-PVEM-018/2019, tekikalko tlen tlanechikoltlali tlen Toluca, kiixpanti nopa amatlanatilkayotl tlen kimoyajki nopa Tribunal Electoral ipanpa tlen nopa amamoyajtli kani moixpantia ajkia inijuantij elisej nopa tekiuajkemej tlen kiixtlalisej se maseuali eli sanmaseualtsi, kani moxexelojtij tlajtolpatili tlen kimoyajkej ajkia kejni kiixtlalkej, ipan achtoui tlamoyajtli, moixtlalia ma axmochiua ika teuantili tlen maseualmej uan sanmaseualmej; amanextili tlen eltojka, tlen kichijkej ma kipia ipatil ipan amanechikoli ST-JRC-15/2019 y ST-JDC-177/2019, tekinauatilnechikol tlen  Revolución Democrática ijkino ken maseualmej Ángel Pérez Hernández iuaya Esperanza Ponce Ponce, nochi teuantinij.

Ni tlajtolmoyajtli, kipatiuijkej ma nopa Tribunal Electoral tlen ni tlali kinauatij nopa tekinechikolkalko tlen tekinauatijtemoli tlen nitlalkotomitl ma kimoyaua se amatlaixpantil kani moixtlalis ajkia elisej nopa maseualtekiuajkemej tlen ika moixtlalis kenijkatsa motejtemos uan moixtlalis tlan se ajkike san maseualtsij uan ni kipatiltis se maseualtekiuaj, nojkia moixtlalia ma uelis onkas seyok tlamantli tlen kenijkatsa ni mochiuas, tlen axmoijkuiloua ipan tekinauatiltemoli tlen san uan axsanmaseualtsitsij.

Tlen yani tlajkuiloli mopiuia, ipan amanechikoli ST-JDC-177/2019, ajkia kimoyaua ni tlajtoli kiijtoua nopa san ika isekti moixpantis ken sanmaseualtsi eli se axkatili tlen axkana imelakpa ipan maseualchinantli uan kipia se tlatsakuiltili ipan kaltsajkayotili ika tekitemoualnechikoltinij tlen kipia ininyekyotl kinixtlalisej ken motekitekiuajtemoyanij ajkia sanmaseualtsitsij.

Ika sejko, ipan amatlanechikoli ST-JDC-178/2019, maseualtekiua Esperanza Ponce Ponce, kitlajtolijli nopa Tribunal Electoral tlen ni tlali axkana kimoyajki se amatl kani moixpantiaj maseualtekiuajkemej tlen nitlalkotomitl tlen kiixneskayotia nopa nauatili nelmoneki ma mokuajtlali.

Yeka, nopa tlanauatilkalko tlen tlalnechikol tlen Toluca kitlajtolpatiluia nopa Tribunal Electoral tlen Hidalgo kema kikuajtlali ni nauatili axkitlajtlachili nopa Tlajtlamantli tlen ika uelis moixpantis nopa teuikalyotili tlen ajkia sanmaseualtsitsij uan axsanmaseualtsitsij ipan tekinauatiltemoli, tlen moneki kitlajtlachilis kema eltok ipanpa nopa sanmaseualtsitsi ininyekyok pan tekinauatiltemoli. Yani panpa, kema kiixtlali ipan tekiuajkayotl se amatl kani ualasej ajkia inijuantij elij nopa sanmaseualtekiuajkemej, kipixki se tlakuapololi ipan tlatetsopali, kani kiixtlali ma nochi tekinauatijnechikoltinij kipiyakaj nopa tlatsakuiltili ipan kaltsajkayotl kema kiixtlaliaj se akajya sanmaseualtsi, uan ni kipias se chinanneskayotl.

Ijkino, kiijto Tribunal Electoral tlen Hidalgo axkitlachili yon patili kenijkatsa sanmaseualtsitsij kinixtlapejpeniyaj ajkia inijuantij uelisej elisej ajkia tekiuajtisej ipan ni tlalkotomitl, kitlatsintlapanolti tlanauatili tlen eltok kalteno uan iijtik tlen tlanauatilkayotl, ininyekyok tlen maseualatepetinij uan maseualchinantinij ajkia ika iselti monajnauatiyaj uan kitemouaj kenijkatsa kiixtlalisej ininnauatejkauaj, ijkino ken itlepanitali tlen ininmaseualnemilis tlen axkana iuikal ken ajkia axsanmaseualtsitsij.

Nama kuali, ipanpa nopa amatl kani momoyaua ajkia inijuantij tekiuajkeme tlen sanmaseualmej tlen chinantla, nopa tlanauatilkalko tlen tlalnechikol  Toluca kijto nopa Tribunal Electoral tlen ni tlali axkitlachili tlan onka se amatekiuajmoyajtli tlen sanmaseualtsitsij tlen onka yon nopa tekitl tlen mochijtok ipan tlanauatili ipan  tekitlanauatilkalko tlen ni Hidalgo tlali, tlen moita ken se axtlatlepanitstli tlen kenijkatsa ika ininselti ajkia sanmaseualtsitsij tlen tepetinij uan chinantli uan iyoltetili tlen maseualchiuali, panpa nopa amachiuali uan itekiuil tlen kani moixtlalia ajkia inijuantij tekiuajkemej tlen sanmaseualtsitsij ken se amatl tlen motetsopa ma motekiui kema moixnextis tlan se maseuali sanmaseualtsij, moneki, tlajtlamantla, se  axnelkauili uan axkana kitlepanita ajkia sanmaseualtsitsij tlen tepepa uan chinantla ininyekyok tlen tlatskitok ipan amatlanauatili.

Yeka ijki, kikuajtlali tlanauatili tlen kiixtlali nopa Tribunal Electoral tlen Hidalgo tlalkotomitl, ipanpa kani axkualnesiyaya, uan ijkino ajkia kipia tlanauatili ipan Instituto Estatal Electoral tlen Hidalgo axkana motetsopa ma kimoyaua nopa amatl kani moixpanti ajkia maseualtekiualkemej,  uan ma ni eli san ajkia motlachilis, tlen kani tekitemoyannechikoltinij uelikaj kiixnexkayotisej ajkia inijuantis elij sanmaseualtsitsij tlen kintlalisej ken motekinauatiltemoyanij,  kitlatsintlakajtiouij ijkino nochi tlanauatili tlen kimoyajtok ajkia tlanauatijketl.

Nama ijki, iijti tlen amatlanechikoli ST-JDC-198/2019 y ST-JDC-177/2019, maseualmej Esperanza Ponce Ponce y Ángel Pérez Hernández, kiijtojke nopa  Tribunal Electoral tlen ni Hidalgo tlalkotontli, axkana kitlachili itlajkuilolmoyajtli yon tlasemantli tlen kenijkatsa uelis motlatsintlakauas  nopa amatl tlen kani motokaxtia ajkia uelis moitas ken sanmaseualtsi, nojkia axkana kitlajtolkuapki itlajtolnauatil.

Yani ipanpa, tlanauatilkalko tlen tlanechikol tlen Toluca tlen Poder Judicial tlen ni tlali kiijto nopa tlatekiuajkayotl, ipan ni tekinauatili,  kipia tlanauatili kimoyauas, tlepanitas, kiajokuis uan kineltlachilis ininyekyok tlen sanmaseualtsitsij, ika yani, ipanpa tlen tlajkuiloli ten momoyajtok ipan amatlanauatili tlen onka, ma motlachili kenijkatsa ajkia sanmaseualtsitsij uelisej no teuantisej ipan ni tekinauatiltemoli tlen ni tlalkotomitl.
 
Teipanpa, monauatij nopa Tribunal Electoral tlen Hidalgo tlalkotomitl ma kimoyaua, ika kaxtilteklajtlajtoli uan tlajtoliltinij tlen moixtlaltok ipan se tlajkuilolkotontli tlen amatlanauatili senpouali uan kaxtoli uan naui, achtoui tlajkuilolkotontli, tlen nauatili tlen yekyotili uan maseualnemilistli tlen ni Hidalgo tlalkotomitl,  katlia eli noma tlamantli tlen kenijkatsa uelis axmopatilis tlen moijtoua ipan se tlajkuilolxeloli tlen machiyotili majtlaktli uan naui pouali uan kaxtoli r, tlen nopa Código Electoral tlen ni tlali, kemantik uan ajkia ipanpa tekiuajkayotl kani uelis motlalis nopa axpatiltili, ijkino ken tlajtolkuaptli uan tlamoyajtli tlen tlanauatili tlen motlajtolijto, ipanpa tlen moijkuilojtok ipan amatlajkuiloli naui pouali uan kaxtoli t tlen Código Electoral tlen ni tlali, ika tlen kitlajtolmoyajkej ajkia inijuantij tlajtolijtojkej, tlen moixtlali ipan tlanauatilkalko tlen tlalnechikol.