Nauatlajtoli, Sierra (Náhuatl, Sierra)

 

                   infografia indigena nahuatl sierra
 
AJACHI TLEN NOMPA TLANSENKAUALISTLI TLEN AXMOYEKITA
TEEH-RAP-NAH-016/2019 UAN TLEN SASEJKO KI SENKAJKE
 
Tonali 27, metstli noviembre, ipan xiuitl 2019, ne Tribunal Electoral tlen ni Hidalgo Tlali, ki senkajki tlateluilili ipan amatini TEEH-RAP-NAH-016/2019 uan tlen ki sasejkotilijke, nopona kin senkajki kualaniyani tlen partidos: Nueva Alianza Hidalgo, de la Revolución Democrática, Verde Ecologista de México uan nompa touanpoyoua César Cruz Benítez, Eric Téllez Hernández uan Arturo Copca Becerra, kampa ki ijto tlen motokiliya:

1. Tlen nompa tlateluilili kampa mo manauiya Derechos Políticos Electorales del Ciudadano, ipan amatini TEEH-JDC-143/2019, ne Tribunal Electoral de Hidalgo, ki chijki matlami, panpa ya panotoya nompa tonaltlapouali uajkema mo tlateluilijke.
 
2. Nompa kampa amatini TEEH-RAP-PVEM-018/2019 tlen tlateluilili, ki ijtoj kena nejliya tlen ki ijtoua nompa Partido Verde Ecologista de México, kampa nompa Consejo General del Instituto Estatal Electoral de Hidalgo, axki tlali kenij nejliya mo ixnextis uajkema se maseuali ki ijtos uala maseualaltepetl, ijkino mo ixpano nompa tlen melauak eliskiya.

Nokiya ni Tribunal Electoral ki tsontekokixti, tla samoijtos kani uala se maseualtsi, ax sanya monekis kampa mo ijtosa kena maseuali, nompa anki kineki maki altepetlalika ika se tlanauatili. Yeka ki ijto para kalakis ika se tlanauatili tlen mo altepetlaliya ax uelis mo tlakamatis uajkema sanya ki ijtos yaeua ipan se maselualaltepetsi, nompa moneki se tlejtleno ika ma kimatika tlen melauak, yeka nompa Instituto Estatal Electoral de Hidalgo, kipiya tlajtlanis se amatl kampa ki amatlalijtose kani eua uan katliya ialtepe, ijkiya nompa mo matis tlen nejliya.

Tlen ika ne axtoui, mo nauati nompa Consejo General del Instituto Estatal Electoral de Hidalgo, kampa iuajya ika Instituto Nacional de los Pueblos Indígenas, nojkiya nompa Comisión Estatal para el Desarrollo de los Pueblos Indígenas, maki chijchiuaka uan maki kixtika amatlaliloni, kakli ijuanti nompa maseualtlanauatiyani, anki uelis kuali ki ijtose tlanejliya maseuali eua ipan se mesualaltepetsi, ika se pilamatli tlen ki chijchijtos nompa tlanauatijketl anki maseualme ki matijya kampa ya kisenkaya nompa amatl.

ST-JRC-15/2019 uan tlen kisasejkotilijke.
Axki yekitake tlasenkauali tlen ne tikonpoua nompa touanpoyoua César Cruz Benítez, Ángel Pérez Hernández, Esperanza Ponce Ponce uan ne Partido de la Revolución Democrática, yeka panoke ipan seyok tlanauatili, uan ijkino nompa Sala Regional Toluca tlen Tribunal Electoral del Poder Judicial de la Federación, ki yoliti amatini ST-JRC-15/2019 uan tlen kisasejkotilijke, uan ipan tlapoualpa eyi tonal, tlen metstli enero, ki ijtojki tlasenkauali kampa ki sekanki nompa tlen motokiliya:

1. Nompa tlen ki tlamiltike ipan amatini TEEH-JDC-143/2019, ne Sala Regional Toluca ika nompa tlateluilili tlen ki amatlalijtoke ika tlapouali ST-JDC-176/2019, tlen ki yolitij César Cruz Benítez, ki tlatsintla majkajki tlenijki Tribunal Electoral tlen ni Hidalgo tlali ki senkajtoya, tlen eli iua nompa tlen kitlamiltijtoke tlateluilili tlen nika touampoyoua ki chijke, yeka ika itlanauatilispa ki nauati nompa Instituto Estatal Electoral de Hidalgo, ma ontlami nompa tlanauatil tetlapejpenilistli ika se tonal ma ompanos, maki peualti tekitl, kampa kintlajtlanilis maseualme kenijki mochiuas uajkema motlalis se maseual candidato, tlanochi sanse kualtiyase motlalise, nojkiya tla se ki ijtos kani uala uan nompa tla monekis se amatl kampa ki ijtojtos katliya ialtepe para ki tlakamatise, nojkiya sejkinok tlamantli tlen ika kuali mo ijtos kena maseuali tlen ni to tlatipak eua, nompa tlamantli mo tekiuis nimaj, tlen ika uelis mochiuas se tlaneltokili tlen mo tekiuis nitiyajtiyoui uaj mochiuas elecciones.

Nojkiya ki nauatij nompa Instituto Estatal Electoral de Hidalgo, maki yejchiua nompa amatl IEEH/CG/030/2019, maki pouiltili se tlaneltokili kampa amatlaliloni tlen tekikalakisneki ika iniselti tlen ne maseualmunicipio, makalakika anki nejliya maseualme uan anki kuali ki nextise amatl kampa ki amatlalijtose kani ialtepe.

Nojkiya kinauati, maki kuepa nompa tlajtoli tlennijki nompa tlaneltokili tlen ika mo tlalise maseualcandidatos uan maki semoyaua ika noche meseualtlajtoli tlen motekiuiya ni Hidalgo.

2. Tlen ika eli amatini TEEH-RAP-PVEM-018/2019, nompa Sala Regional Toluca, ki tlatsintla majkajki tlen ki senkajtoya Tribunal Electoral, tlen nompa ki ijtouayaya ma ki chijchiuaka se amatlaliloni campa ki matise katli ijuanti nompa maseualtlanauatiyani, anki ki chijchiuaskiya amatl tlen kijtoskiya kani eua nompa maseuali, ajachi sajsejko mo temas tlen ki ijtoke nompa mo tlateluiyani, nompa se ki ijtojki, nompa uajmosenkajki ax mo itak ika maseualtlalnamikilistli; eltok amatlaliloni, tlen ne Partido de la Revolución Democrática, nojkiya touanpoyoua Ángel Pérez Hernández uan Esperanza Ponce Ponce, ki neki maki tlepanitaka ipan amatini ST-JRC-15/2019 uan ST-JDC-177/2019.
 
Nompa kamanali, eltoya kampa ne Tribunal Electoral Local ki nauatijtoya nompa Instituto Estatal Electoral, ma kichijchijuaskiya amatlaliloni tlen maseualtlanauatiyani, anki ki chijchijuaskiya se tlejtleno kampa ki ixnextis kani eua se maseuali, uajkema onka sejkinok tlamantli tlen ika mo matis, tlen nejliya mo ita ika maseualtalnamikilistli.
 
Mo pouiltiliya tlen moijto ipan tlajtik tlen amatini ST-JDC-177/2019, nompa teteluiketl ki ijtojki nompa se tlamantli tlen moijtos kani uala maseuali uakinextis iama nompa se tlamantli tlen to maseualpoyoua axki ixmati uan eli nojkiya se tlamamali para nompa partidos políticos uajkema ki nekise ki tlalise se maseualtsi.

Ika sejkanok, ipan amatini ST-JDC-178/2019, nompa mo tlateluilijketl Esperanza Ponce Ponce, ki ijto, nompa Tribunal Electoral Local, amo tlajtlanki se amatlaliloni tlen altepetlanauatiyani tlen ni kampa tipoui, tlen ki nextiya nompa anki ki senkajki, sayayaja ki ojpatiliya.
 
Uan yeka, nompa Sala Regional Toluca, ki ijtojki nompa Tribunal Electoral de Hidalgo uajkema ki senkajki ax kinejki yonpilketsi ki itas maseualtlalnamikili tlen ni tlamantli, tlennijki eltok kampa ki itas uajkema mo auiltiya tlen nompa ki ijliya derechos político-electorales tlen ni maseualme. Tlen ne axtoui, uajkema pejki ki nauatiya tlanauajtiketk electoral ma mochiua se amatlaliloni tlen maseualtlanauatiyani mokuapolo uan ki chijki tlen axkuali, uajkema ki nekiyaya ki yolitis se tlamantli kampa nompa partidos políticos ma ki chiuaka ika se tlamamali kampa ijuanti eltok ma ki ixnextika tlen nompa maseualme kin tlalijtoke makipiyaka inimaseualaltepe.

Nolkiya ki ijto, nompa Tribunal Electoral de Hidalgo axki nejki ki neltokas nompa miyak tlanauatilme tlen eli nompa miyak tlaneltokilistli tlen maseualaltepeme tlen ni tlaltipak kampa ti pouij, ki ixuitonalui tlen eltoka, uan tlen uan mouika tlajtik tlaneltokili uan tlennijki tlajkuilojtoke, tlen iniselti kuali kichiuase maseualme tlen maseualaltepetsitsi, nojkiya tlenijki axika ixpoliuis tlen ika techixmati ika sejkinok uan tlenijki tlen tojuanti tomomachtijtoke kenijki tomo nechokoua kampa ti mo kaki kenijki ti altepetekichiuase.
 
Nama kuali, tlen nompa amatlaliloni tlen altepetlanauatiyani, ne Sala Regional Toluca ki nextili nompa Tribunal Electoral Local, kampa kena ya onka nompa amatlaliloni tlen tlanauatiyani, tlen kiski ipan nompa tekitl tlen ki chijki nompa Congreso del Estado Libre y Soberano de Hidalgo, ya nompa elki se tlamatli tlen ika kentsi tlatsakuiliya tlen eltok sanika ini selti mamosenkauaka kenijki monejnemiltise uan kenijki tlejkose ika ini tlalnamikilis, tla mochijchiuas uan kintlalilise matitekiuika se amatlaliloni tlen maseualtlanauatiyani, keni se tlamantli kampa ki piya mo chiuas kampa mo ixnextis kani eua maseuali, nompa kena kikotona tlen axmoneki uan axeltok makinkuilika tlen eltok kuali kichiuase altepemaseualme.
 
Ika yaja, ki tlatsintlamajkajke tlen ki senkajtoya nompa Tribunal Electoral tlen ni Hidalgo, tlen axmoyekitayaya, kampa nompa Instituto Estatal Electoral de Hidalgo ax ma eltoj kichijchiuas amatlaliloni tlen ki nauatijtoya, axkana sanya ika uelis nompa partidos políticos ki ixnextise kani euani nompa anki kin tlalijtoke, mokaua axipati nochi amatini tlen ki chijchijki tlen ika tlanauatiyaya mamo chiuas ne tlauauajtiketl Tribunal Electoral de Hidalgo.

3. Nama kuali, tlajtik nompa miyak amatini ST-JDC-198/2019 uan ST-JDC-177/2019, nompa maseualme Esperanza Ponce Ponce uan Ángel Pérez Hernández, ki ijtojke nompa Tribunal Electoral tlen ni tlaltipak Hidalgo, axkikixti kenijki o tlajki mochiuas para nejliya matemakaka se amatl tle ika mo ixnextis kani eua se maseuali, nojkiya ki kajkajki ki patlas tlajtoli uan ki ixpanextis tlen ki senkaua.
 
Tlen yaja, ne Sala Regional Toluca del Poder Judicial de la Federación, ki ijtoj, nompa Tribunal Electoral de Hidalgo, campa asi itlanauatil, kipiya tematiltis, ki tlepanitas, ki manauis uan chiuas nejliya ma axmoixpano nompa maseual derechos humanos, nompa ni tlamantli ma eli keni eltok ipan amatlanauatili, kampa ijkino nejliya kalakise maseualme mo tlateluiliti ipan se ueyi tlanauatijketl.
 
Ika tlen panotok, ki nauatij nompa Tribunal Electoral del Estado de Hidalgo, makipanexti ika español uan ika tlajtoli tlen kitlalijtok axtoui tlajkuiloli tlen artículo 39, tlen ki ijliya Ley de Derechos y Cultura Indígena para el Estado de Hidalgo, katliya ika ti panos campa kinelitase sankeni ki amatlalijtoke ipan axtoui tlajkuiloli tlen tlapouali 295 r del Código Electoral local, tlanauatil tonaltlapouali kampa moseliya uan katliya nompa tlanauatili eltok ki selis, nojkiya makikuepa ika maseualtlajtoli uan makipanexti tlen kipiya nompa tlajkuiloli tlen amatl ika tlasenkaua tlen yajaya axmoyekita, sankeni tlanauatijtok nompa artículo 295 t nompa Código Electoral local, kampa mo ijtos melauak kanika uan katliya nompa mo patla, tlen tlanauatijtok nompa Sala Regional.